01005646258 (2+)

رواندا بلد الالف تل - المعجزة الافريقية

رواندا بلد الالف تل - المعجزة الافريقية

26

FEB 2014

رواندا بلد الالف تل - المعجزة الافريقية

     

الباحث : محمد هاشم
بعيدا عن موقع رواندا الجغرافى والتىى تعتبر  اهم نقطة فيه بالنسبة لمصر  انها منبع نهر النيل يعنى نهر النيل بيبدا من عندهم وينتهى عندنا ، رواندا بلد عرقية فى المقام الاول يعنى فيه طائفية وتمييز على اساس العرق واشهر قبيلتين هناك هى قبيلة (الهوتو ) وقبائل (التوتسى ) نتيجة للشحن العرقى رواندا دخلت مرحلة ابادة جماعية وحرب اهلية لم يسمع عنها التاريخ الحديث من قبل ، تخيل الحرب الاهلية وصلت الى قتل 800.000 رواندى بالمناجل ( الاداة التى يستخدمها الفلاحون لازالة الحشائش من الارض  ) فى 100 يوم فقط فلك ان تخيل حالة الكراهية بين الشعب  وصلت لاي مرحلة  ودخلت فى حروب اهلية وكل شهر  ياتى حكومة ورئيس ، الاهم من كده ان الغرب الذى  كان يتدخل وبيقود المفاوضات بين القبيلتين لما فشل والموضوع تدهور كثيرا سحب نفسه نهائيا وتركهم  يقتلوا  بعض ، طبعا السبب الرئيسى لهذه الحرب كان الاعلام الرواندى الذى ى كان كل يوم بيحرض المواطنين بشكل قذر على قتل بعضهم البعض بحجة تطهير الوطن والامن القومى ، وصلنا لمرحلة ان لما العالم يحب يوصف اى اعلام او قناه او اعلامى بيكون عنصرى يسمية (اعلام رواندا ) ، هذه الاحداث كانتفى فترة  اوائل التسعينات وانتهى فى ابريل 1994م بمعنى اصح نقول ان تلك البلد انتهت  ، لكن كانت المفاجأة ان رواندا بعد كل هذا العنف والانقسام وصلت الى انها اقوى ظاهرة نمو اقتصادى فى العالم خلال العشرين سنة السابقة ودخلت فى انها من اسرع 10 دول فى العالم نمو اقتصادى خلال العشرين السنة الماضية وكمان تعتبر فى المركز 22 فى ريادة الاعمال فى العالم متقدمة على تركيا واسرائيل والامارات ودول اوربية (مصر المركز 128 ) رواند قفزت السنة الماضية تقريبا 25 مركز ... كيف حدث هذا  ؟
الرواندين خرجوا من الخرب الاهلية عندهم مليون قتيل ومليون متهم ، بمعنى ان لو كل قتيل ليهم اسرة من 4 اقل شئ ومثلهم للمتهم تصبح رواندا كلها قاتله ومتهمة ، رواندا 40% من دخلها قائم على المعونات الاجنبية بخلاف انهيار البنية التحتية نهائيا طيب عملوا كده ازاى ؟
اولا : تطبيق العدل : ولكن كيف يحاكموا  مليون شخص ومن هى  الجهة التى ستحاكمهم وكم تكلفة المحاكمة لانه لاتنمية ولا حديث عن عمل ودماء الضحايا لم تبرد وذووهم يسعوا للانتقام ، لم يفبل احد من الروانديين بمنظومة العدل القائمة هناك لانه يوجد قضاه محسوبة على الطرفين ولا حتى قبلوا يتحاكموا بالقوانين المحلية لان  كلها ثغرات تتطلع كبار المجرمين ولا حتى قبلوا بمحاكمات اجنبية لارتفاع تكلفتها وكما انها هتاخذ وقت كبير  (طب عملوا ايه؟)  اتفقوا ان يعودوا  للعرف وتقاليدنا والاحكام القبلية ما قبل الدولة وهى تسمى عندهم (الغاكاكا) وبدئوا يحاكموا نفسهم بنفسهم فيها وتم تحقيق جزء كبير جدا من منظومة العدل هناك وقفل الماضى بحذافيره.
ثانيا : التنمية على اساس المشاركة الاجتماعية : الروانديين اتفقوا  على انه قى حالة تنفيذ مشاريع تنموية قومية فى هذا الظرف لابد المجتمع كله يشارك فى المناقشه فيها والاهم ان تكون ماهية اى مشروع مرتبطه اولا بمعاناة الناس ، والناس عندهم بيعانوا من فقر مدقع فعملوا برنامج مكافحة الفقر (EDPRS 2) ينتهى 2020 تبقى رواند بلا فقر ، المشروع قائم كما اوضحنا على اولويات اننا نعالج مشاكل المواطن اللى بتؤدى للفقر مثلا قالوا يعنى ايه نعمل سد على النيل والمواطن عندنا مش لاقى كهرباء ولا لاقى تعليم ،

لابد ان  نهتم بالتعليم والصحة الاول يكون عندنا مواطن واعى وفاهم ويعرف يبنى معانا وبالفعل تم توجية اكتر من 44% من الميزانية للصحة والتعليم وكانت نتائجهم مذهلة خلال 10 سنوات بالظبط ،95% من السكان تحت مظلة تامين صحى شاملة بالمعايير الاوربية... نسبة التسرب من التعليم صفر% بل ان الاهالى اصبحوا  بيدخلوا اولادهم قبل السنة القانونية للتعليم كل ده خلى المواطن الرواندى ينتج ويشتغل اكتر عن وعى وصلت ان دخل المواطن تضاعف نصيبه من الناتج القومى الاجمالى خلال 5 سنوات من 500دولار سنويا الى 1000 دولار سنويا ومعدل النمو الاقتصادى وصل 8% وده معدل نمو كبير جدا ، بل ان  بعض الدول الغربية اللى كانت بمتنحهم معونات كما ذكرنا  توصل ل40% من حجم الموازنة سحبت دعمها بشكل كبير جدا ومع ذلك رواندا حققت معدل نمو 4% وانتشال مليون رواندى فقير سنويا من الفقر.

ثالثا : الحكم القائم على اساس المساواه والمسائلة : بمعنى اننا لازم نساوى بين الاعراق وبين الراجل والست وصلت ان تحقيق المساوة بين الراجل والست وصل 48% لدرجة ان رواندا اغلب المشرعين فيها نساء مع ان رواندا قبلية ومجتمعات ذكورية بس ده بيقيس درجة التحضر ، والحكم قائم على المسائلة من خلال توسيع حصانات ومميزات البرلمان اللى بيتم بانتخاب حر مباشر من مجتمع بقى متقدم تعليميا جدا وصحيا جدا وقادر على الاختيار الصحيح 
رابعا : النمو القائم على اسس المعرفة الحديثة وتبادل المعلومات : الرواندين لقوا نفسهم معندهمش غير موارد معدنية فقيرة وان القهوة وكام زراعة هم اهم مواردها بس عندهم موارد بشرية محترمة متعلمة وصحتها كويسة فبدئوا يوجهوا الاستثمار فى المعرفة وتكنولوجيا المعلومات لتصديرها ( رواندا انت ممكن تخلص فيها كل معاملاتك عن طريق الانترنت افضل من ماليزيا ) وده جذب مستثمرين كتير جدا لرواندا وصلت ان استقصاء (غالوب) العالمى حدد رواندا انهم اامن منطقة فى العالم بالنسبة لدول العالم النامى.
العالم كله بيتكلم عن رواندا ومعجزاتها التنموية والاقتصادية لدرجة ان فى باحثين قالوا ان المعجزة خارقة لكل قوانين الطبيعة وكل مجالات التعرفة دى رواندا بعد 10 سنوات من الحرب الاهلية واللى هتبقى خالية من الفقر 2020 وهتصدر تكنولوجيا ومعرفى للعالم كله وافريقيا خصيصا . الكلام عن رواندا كتير جدا ولم ينتهى 

Website Security Test